Në seancën e Kuvendit të Kosovës sot është miratuar në lexim të dytë projektligji për masat e përkohshme të produkteve themelore në raste të veçanta të destabilizimit në treg, shkruan teve1.info.
Ky projektligj u miratua me 64 vota për asnjë abstenim dhe asnjë votë kundër.
Ministrja e Tregtisë, Rozeta Hajdari ka njoftuar se produktet të cilat do kenë çmim tavan janë drithërat, mielli, gruri, buka, orizi, pastat, vaji ushqimor i lulediellit, qumështi, kripa e kuzhinës, vezë pule, mishi i pulës, sheqeri kristalor, produktet e higjienës personale, si dhe lëndët e drurit për djegie.
Tutje, gjatë seancës, me 65 vota pro u miratua edhe Projektligji për mbështetjen e punëve publike.
Deputetet e Kuvendit të Kosovës me 63 vota për miratuan edhe Projektligjin për ndryshimin dhe plotësimin e Ligjit nr.06/L-010 për noterinë./Teve1.info/
