Mehaj përmes një postimi në Facebook, ka thënë se bashkëpunimi miqësor i vazhdueshëm me Gjermaninë është me rëndësi të madhe.
Mehaj ka njoftuar se në takim me ambasadorin Rohde ka ritheksuar se Kosova dhe Gjermania do të thellojnë edhe më tej bashkëpunimin miqësor në funksion të interesave të partneritetit tonë në fushën e sigurisë dhe mbrojtjes.
“Nga ana e tij, Ambasadori Rohde, e ritheksoi vullnetin e mirë të Gjermanisë për vazhdimin dhe thellimin e mëtejmë të bashkëpunimit si dhe shkëmbimin e përvojave të përbashkëta në mes të Ministrisë së Mbrojtjes të Gjermanisë dhe Ministrisë së Mbrojtjes të Republikës së Kosovës”, ka shkruar Mehaj.
