Informacioni do të jepet “me kërkesë” nga dy palët për qasjen në arkiva dhe jo automatikisht, trasnmeton teve1.info.
Ndërkaq çështja e arkivave ishte njëra nga pengesat në dialog, teksa Serbia insistonte në “hapjen e arkivave të Ushtrisë Çlirimtare të Kosovës” kurse Kosova pretendonte se arkiva të UÇK-së nuk ekzistojnë, por vetëm ato të asaj periudhe.
Ndryshe, të enjten është mbajtur takimi mes palës kosovare dhe asaj serbe në kuadër të dialogut.
I dërguari special i BE-së për dialogun Kosovë –Serbi, Miroslav Lajçak, është deklaruar pas takimit me dy kryenegociatorët e të dyja shteteve, Besnik Bislimi dhe Petar Petkoviq, në lidhje me marrëveshjen për targa.
Në një postim në Tëitter, Lajçaku ka shkruar se takimi i sotëm mes Kosovës dhe Serbisë është “në rrugë të mbarë”.
“Ne kemi një agjendë të plotë të çështjeve aktuale, duke përfshirë targat, zbatimin e marrëveshjeve të kaluara të dialogut dhe përgatitjen e terrenit për një takim të ardhshëm të nivelit të lartë”, ka shkruar Lajçaku.
Kujtojmë se sot, Kosovës dhe Serbisë u skadon afati për të arritur një marrëveshje përfundimtare lidhur me targat e veturave serbe dhe atyre kosovare që hyjnë dhe dalin nga kufijtë e dy shteteve.
