Ekipi i Tëvë1 përsëri u përball me sulmet nga protestuesit serbë. Ndryshe nga rasti i djeshëm në Zubin Potok i djegies së veturës, sot protestuesit në Leposaviq dëmtuan paisjet e xhirimit. Drejtori gjeneral i televizionit, Dukagjin Maliqi tregon për dëmet e shkaktuar, derisa shpreh shqetësim edhe për sigurinë e gazetarëve.
Protesuesit serbë në tri komunat veriore të Kosovës, as të martën nuk kursyen sulmet ndaj mediave dhe gazetarëve shqiptarë.
Për herë të dytë, gjatë raportimit të situatës atje, ekipi i Tëvë1 u sulmua nga bandat serbe, nga të cilat u shkaktuan dëme materiale.
Derisa po xhironin të zhvillimet në vendin e ngjarjes në Leposaviq, kamermanit të tëvë1, serbët fillimisht i thanë të ndalonte xhirimin.
E për të mos mjaftuar kjo, ata i dëmtuan kamerën me të cilën po merrte pamje. (video)
E një incident më i rëndë, tëvë1 i ndodhi edhe të hënën.
Protestuesit dogjën veturën e ekipit që po qëndronte atje.
Dukagjin Maliqi, drejtor gjeneral i Tëvë1, thotë se pavarësisht dëmeve materiale, janë kujdesur që gazetarëve në teren t’iu sigurohen pajisjet e nevojshme në rastet e tilla të raportimit.
Për të gjitha dëmet e shkaktuara, Maliqi tregoi vlerën e humbur. Derisa tha se në këtë fatkeqësi është vetëm një e mirë.
Krahas dëmeve materiale, ekipet e tëvë1 në teren gjatë raportimit janë përballur edhe me pengesa e forma tjera të dhunës verbale nga ana e protestuesve serbë.
