Ministri i Mbrojtjes, Ejup Maqedonci, ka takuar ambasadorin e Turqisë në Kosovë, Sabri Tunç Angili.
Në këtë takim siç ka njoftuar ministri është biseduar për vazhdimin e bashkëpunimit ndërmjet dy ministrive në fushën e mbrojtjes.
“Implementimi i planit bilateral, thellimi i bashkëpunimit në zhvillimin e trajnimeve të përbashkëta, shkollimi i kuadrove të reja të ushtarakëve, ishin disa nga pikat kyçe të diskutimit”, ka shkruar ai.
Ndërsa, ambasadori turk, sipas Maqedoncit theksoi përkushtimin e Turqisë në ofrimin e mbështetjes për FSK-në.
“Ambasadori Angili shprehu mirënjohjen e tij për ndihmën që pjesëtarët e FSK-së kanë ofruar gjatë misionit të kërkim-shpëtimit pas tërmetit në Turqi. Gjithashtu ambasadori theksoi se Turqia mbetet e përkushtuar në ofrimin e përkrahjes për ngritjen e kapaciteteve luftarake të FSK-së në aspektin e kuadrove dhe armatimit”, ka shkruar ai.
