I dërguari i Bashkimit Evropian për dialogun Kosovë-Serbi, Miroslav Lajçak, ka thënë se situata në veri të Kosovës mbetet e brishtë.
Ai ka thënë se kjo po ndodhë pavarësisht se ekzistojnë hapa të qartë për të ulur tensionet.
“I kalova dy ditët e fundit në Bruksel, ku ekipi im dhe unë kemi punuar ngushtë me partnerët tanë ndërkombëtarë për të koordinuar hapat tanë të ardhshëm në adresimin e krizës së vazhdueshme në veri të Kosovës. Fatkeqësisht, pavarësisht nga ekzistenca e hapave të qartë për të ulur me sukses tensionet, situata mbetet e brishtë”, ka shkruar ai në Facebook të dielën.
Bashkimi Evropian ka miratuar të premten masat e para ndaj Kosovës, për arsye që sipas tyre nuk ka marrë hapap për qetësim të situatës.
Kosova, është përjashtuar nga fondet e Programit të Europës Digjitale në vlerë prej 7,5 miliard euro për Ballkanin Perëndimor.
Ndërsa, kryeministri i Kosovës, Albin Kurti ka thënë se këto masa janë të padrejta dhe se Kosova është vendi më pro BE-së në rajon.
Ai ka publikuar ditë më parë pikat që ka propozuar për de-esklaim të situatës në veri.
Ndërkohë që BE ka kërkuar të ketë zgjedhjet në komunat veriore të Kosovës si hap i parë për qetësimin e situatës.
