Kryeministri i Kosovës, Albin Kurti, bashkë me zëvendëskryeministrin e parë, Besnik Bislimi, kanë pasur një takim informues me ambasadorët, të ngarkuarit me punë, shefat e misioneve diplomatike dhe zëvendësambasadorët e akredituar në Kosovë.
Në këtë takim, Zyra e Kryeministrit të Kosovës thotë se temë qendrore e diskutimit ka qenë situata e sigurisë në veri të vendit pas agresionit serb të djeshëm, ku janë kidnapuar tre zyrtarë policorë kosovarë, shkruan teve1.info
Në njoftim thuhet se kryeministri Kurti ka ndarë me ambasadorët e akredituar ka ndarë dëshmitë që dokumentojnë se ka të bëjë me agresion të Serbisë ndaj Kosovës, dhe se rrëmbimi i policëve është bërë brenda territorit të Kosovës.
“Kryeministri i njoftoi ata për mbledhjen e Këshillit të Sigurisë së Kosovës, që u mbajt sot në mëngjes, dhe me masat e sigurisë që institucionet e vendit kanë ndërmarrë, si dhe ndau me ta dëshmitë që dokumentojnë se kemi të bëjmë me agresion të Serbisë ndaj Kosovës dhe se rrëmbimi i zyrtarëve të Policisë së Kosovës kishte ndodhur thellë në brendi të territorit të Kosovës”, thuhet në njoftim.
Sipas kryeministrit, ky akt është shkelje e kushtetutës, rendit ligjor, sovranitetit dhe integritetit territorial të Kosovës.
!Kryeministri tha që ky akt është shkelje e kushtetutës, rendit ligjor, sovranitetit dhe integritetit territorial të Republikës së Kosovës. Ai ritheksoi kërkesën e tij për reagim urgjent e dënues të faktorëve ndërkombëtarë ndaj këtij akti të agresionit ndaj Kosovës, teksa përsëriti po ashtu kërkesën e lirimit të menjëhershëm të tre policëve, familjet e të cilëve kryeministri Kurti i vizitoi sot”./teve1.info/
