Kryeministri i Kosovës, Albin Kurti ka thënë se kanë shtuar komunikimin me ndërkombëtarët pasi siç është shprehur ai qëllimi i përbashkët është qetësimi i situatës.
Kurti tha se të hënën u dëshmuar që edhe rreziqet i kemi të përbashkëta.
“Orëve të fundit, institucionet tona kanë shtuar edhe më shumë komunikimin me partnerët ndërkombëtarë, sepse qetësimin e situatës e kemi qëllim të përbashkët. Por përveç shqetësimeve dhe brengave, dje na u dëshmua para syve se edhe kërcënimet dhe rreziqet i kemi të përbashkëta”, ka shkruar Kurti, përcjell teve1.info
Ambasadori i SHBA-së në Kosovë të martën pasdite bëri të ditur se Kosova është përjashtuar nga ushtrimi “Defender Europe 2023”, si masë ndëshkuese për moskoordinim për veprimet në veri.
