Kryeministri i Kosovës, Albin Kurti ka insistuar se dialogu nuk ka qenë prioritet i qeverisë së tij.
Kurti është shprehur se dialogu s’është prioritet i parë por është dukur ashtu për shkak të vëmendjes mediale e ndërkombëtare
I pyetur nga gazetarët në konferencën për media të mbajtur për tre vjetorin e qeverisjes, ka thënë se dialogu më shumë ju ka marrë kohë gazetarëve, ndërsa atyre qeverisja e mirë.
“Dialogu ju ka marrë më shumë kohë juve se neve. Neve na ka marrë më shumë kohë qeverisja e mirë, nuk është se dialogu na ka marrë shumë kohë sa me mendoni ju, do të donim të na merrte më pak kohë”, tha Kurti, përcjell teve1.info.
Kryeministri ka folur edhe për zbatimin e marrëveshjeve dhe për atë se kur mund të ketë një marrëveshje përfundimtare.
Kurti tha se sa i përket atij, normalizimi kishte ndodhur vitin e kaluar, por ka thënë se nuk mund të ketë zbatim të marrëveshjes, ku ajo shkelet nga zyrtarët Serbisë
“S’ka javë që zyrtarët e Serbisë që së paku nuk e kanë shkelë një nga 11 nenet e kësaj marrëveshje dhe këto janë kukëzuar me letrën e Bërnabiq. Kur do të bëhet normalizimi nga ana ime qysh vitin e kaluar. Është një zotim i vitit të kaluar që është dashur të mbyllet vitin e kaluar”, tha Kurti.
Ai nuk tregoi se çfarë propozime kanë dërguar për çështjen e zbatimit të rregullores së BQK-së sipas dakoordimit në Bruksel, e që sot ka qenë e paraparë të dërgohen.
Kurti tha se dita e premte ende nuk ka përfunduar, duke shtuar rregullorja e BQK-së është e panegociueshme
