Kryeministri i Kosovës, Albin Kurti ka kujtuar masakrat nga forcat ushtarake të Serbisë të kryera në Krushë të Madhe të Vogël, dhe disa vrasje të kryera në Skenderaj, Prizren e Gjakovë.
Ai ka thënë se këto janë dëshmi e gjenocidit të Serbisë në Kosovës.
Kurti në Facebook ka shkruar se themelimi dhe funksionalizimi i Institutit për Krimet e Kryera Gjatë Luftës, është një është një nga obligimet e shumta që po përmbushet ndaj kujtimeve tona si popull dhe kërkesës për drejtësi.
“Themelimi dhe funksionalizimi i Institutit për Krimet e Kryera Gjatë Luftës ka për qëllim dokumentimin e të gjitha krimeve të luftës së fundit në Kosovë, krimeve kundër njerëzimit dhe veprimeve gjenocidale nga Serbia. Ky është një nga obligimet e shumta që po përmbushet ndaj kujtimeve tona si popull dhe kërkesës për drejtësi. Si institucione të Republikës, jemi të përkushtuar që brezi aktual i fëmijëve dhe brezat e ardhshëm, që s’kanë lindur ende, të mos kalojnë nëpër këto vuajtje që i kaluam ne. Si institucione e qytetarë të Republikës, po angazhohemi bashkë, që fëmijët të gëzojnë lirinë dhe të kenë të ardhme të ndritshme në Kosovën tonë”, ka shkruar ai në Facebook./teve1.info/