Konjufca para medieve ka thënë se vendi jonë asnjëherë nuk do ta harrojë kontributin e jashtëzakonshëm që Albright ka dhënë për çlirimin e Kosovës, shkruan Teve1.info.
“Populli i Kosovës kurrë nuk do ta harrojë e gjithmonë do të jetë mirënjohës për kontributin e jashtëzakonshëm që ka dhënë Albright për çlirimin dhe lirinë e popullit tonë”, tha ai.
Sipas tij, ajo së bashku me presidentin Clinton ishin forca kryesore shtytëse në planin ndërkombëtarë për ta ndal gjenocidin e Serbisë mbi popullin e Kosovës.
Kryeparlamentari thotë se Albright së bashku me SHBA-në iu gjetën popullit të Kosovës në ditët e tij më të vështira.
“Gjithmonë do të jetë nderimi dhe kujtimi për të sepse ajo së bashku me SHBA-në iu gjetën popullit të Kosovës në ditët e tij më të vështira. Përkulemi përpara kontributit të Albright, u prehtë në paqe kjo zonjë e madhe dhe mike e madhe e Kosovës”, deklaroi Konjufca. /teve1.info/
