Ky Komision që synon t’i hetojë keqpërdorimet në sektorin e energjisë për periudhën 2006-2022, do t’i intervistojë edhe disa ish-ministra.
Bëhet fjalë për ish-ministrat, Besim Beqaj, Avdullah Hoti, Hykmete Bajrami, Fadil Ismaili, Valdrin Lluka, Muharrem Nitaj e Justina Pula.
Por me mosfutjen në këtë listë të kryeministrit Albin Kurti, reagoi deputeti i Partisë Demokratike të Kosovës, Hajdar Beqa.
Ai kërkoi që në këtë listë pos Kurtit të futet zëvendëskryeministri Besnik Bislimi dhe ministri i Financave, Punës dhe Transfereve, Hekuran Murati.
“Është e pandershme me përmend Hashim Thaçin e jo Albin Kurtin. Nëse dëshironi të bëni politikë, bëjmë politikë. Është e pandershme me anashkalu Qeverinë Kurti 1 dhe 2, e mos ta përmendësh Hekuran Muratin e Besnik Bislimin”, tha Beqa.
