“Tek Qeveria ime do ta gjeni partnerin që nuk e keni pasur asnjëherë në këto vite e pasluftës”
Kjo ishte deklarata e kryeministrit, Albin Kurti me 1 nëntor 2019 gjatë bashkëbisedimit më kryetarët e sindikatave, pak para se të vinte në pushtet për herë të parë.
Por, këtë partneritet sindikalistët thonë se nuk e gjetën asnjëherë.
Sindikata e Bashkuar e Arsimit, Sindikata e Policisë, Sindikata e Minatorëve, e ajo e Punëtoreve të Sektorit Privat nuk i fshehin pakënaqësitë me Qeverinë.
Madje për shkak të pakënaqësive për kushtet e punës, javëve të fundit ka pasur protesta e greva për rritje të pagave dhe plotësim të kërkesave tjera.
Që kryeministri Kurti nuk është i qasshëm nga sindikalistët e thotë edhe kryetari i Sindikatës së Sektorit Privatë, Jusuf Azemi.
Të çuditshëm, ndryshimi e qëndrimeve të Kurtit karshi sindikalistëve po e sheh analisti, Fidan Ukaj.
Ukaj madje kërkon reflektim nga ana e Qeverisë sa i përket qasjes ndaj sindikatave.
Gjatë javës që lamë pas, para Qeverisë së Kosovës pati protestë nga ana e pjesëtarëve të Njësisë speciale të Policisë, ndërkohë që minatorët e Trepçës bën një grevë dhjetëditëshe 800 metra në thellësi të tokës.
