Kapet sasi rekorde e drogës në portin e Belgjikës

Autoritetet në Belgjikë kanë thënë se kanë sekuestruar një sasi rekorde të kokainës në portin e Antwerpit vitin e kaluar.

Qyteti port është bërë porta kryesore e Evropës për kalimin e drogës nga Amerika e Jugut.

Ministri belg i Financave, Vincent Peteghem, ka thënë se 116 tonë kokainë u sekuestruan në Antwerp.

Besohet se vetëm një pjesë e vogël e drogës është detektuar kur ka arritur në port, raportoi BBC.

Doganierët patën thënë më herët se ata kurrë nuk do të mundnin të fitonin luftën kundër karteleve të fuqishme kriminale.