Drejtori i policisë, Gazmend Hoxha ka uruar shënimin e 24-vjetorit të themelimit të Policisë së Kosovës.
Ai tha se kjo ditë shënon edhe një ringjallje të shpresës për zbatim të ligjit në gjithë Kosovën.
“Sot Policia e Kosovës shënon 24 vjetorin e themelimit të saj, kjo ditë shënon edhe një ringjallje të shpresës për zbatim të ligjit në gjithë Koosvën dhe po ashtu një ringjallje e shpresës për jetë të sigurt dhe prosperitet në këtë vend. Falënderojë të gjithë policët për punën e tyre që janë duke e bërë.”
“Qëllimi i kësaj ekspozite është që qytetaret tanë të ndjehen të sigurt që këto pajisje janë për të garantuar rend dhe ligj, për t’i ndihmuar ata që të jetojnë qetë dhe sigurt në vendin tonë. Nuk ka nevojë që të frikësohen nga PK-ja askush, përveç atyre që janë në kundërshtim me ligjin. Këto pajisje do të përdoren për ata që bëjnë keq edhe që janë në kundërshtim me ligjin të dalin para drejtësisë dhe ta marrin dënimin e merituar. Ne veç e kemi pasur një konkurs para një muaj dite është përmbyllur edhe jemi në proces të rekrutimit të këtyre personave që kanë aplikuar. Gjatë këtij viti do të fillojmë edhe gjeneratën e re… do t’i marrim të paktën 400 deri në 500 zyrtarë të rinj dhe rekrutimi do të vazhdoj çdo vjet”, tha ai.