Ajo ka thënë se përkushtimi për ta luftuar korrupsionin mbetët i njëjtë.
“Kosova nën qeverisjen tonë ka shënuar progres në luftimin e korrupsionit, kjo vërtetohet edhe në raportet e organizatave kredibile ndërkombëtare si Transparency International dhe WorldJustice, të cilat Republikën e Kosovës e kanë renditur lartë si kurrë më parë. Në anën tjetër puna dhe përkushtimi ynë në luftën kundër korrupsionit vazhdon të jetë e intensitetit të njëjtë”, ka shkruar Haxhiu në Facebook ku ka njoftuar për nisjen e javës kundër korrupsionit.
Haxhiu ka përmendur edhe disa iniciativa në reformimin e sistemit të drejtësisë që ka marrë kjo qeveri, duke thënë se janë dëshmi e përkushtimit për rritjen e transparencës dhe llogaridhënies.
“Kjo javë e gjen Republikën e Kosovës me iniciativa reformuese si Vettingu e Byroja Shtetërore për konfiskimin e pasurisë së pajustifikueshme, pakoja e ligjeve për Prokurorinë bashkë me Ligjin për Agjencinë për Parandalimin e Korrupsionit e deklarimin e pasurisë. Këto janë dëshmi e përkushtimit tonë për rritjen e transparencës dhe llogaridhënies në secilin sektor. Përshëndes aktivitetet e shoqërisë civile dhe zotohem për bashkëpunim në jetësimin e reformave”, ka shkruar ajo.
