Ai thotë se për këtë duhet të jetë garantues Amerika ose vendet e Quintit
“Kosova ka mundësi të hyjë në një marrëveshje finale për njohje reciproke me Serbinë, e cila do t’i kishte pjesët përbërëse obligimet e mëhershme pra të dialogut, përfshirë edhe asociacionin, pastaj edhe obligimet e reja që i dalin Kosovës për njohje reciproke, po ashtu periudhën implementuse 2 vjeçare dhe garantues në këtë rast Amerikën ose vendet e Quintit”, tha ai për emisionin “Këndi i Debatit” në Tëvë1.
Haradinaj tutje foli edhe për deklaratën e të dërguarit të SHBA-së, për Ballkanin Perëndimor, Gabriel Escobar, i cili ka thënë se kushtetutshmëria nuk është e negociueshme.
Sipas tij, kjo deklaratë e Escobar, i ka dhënë Kosovës garanci që nuk do të ketë asnjë rrezik në marrëveshjen për njohje reciproke me Serbinë.
“Pra, ai thotë që as kushtetutshmëria nuk është e negociueshme. Unë mendoj që ai me këtë kornizim i ka dhënë Kosovës garancën që asnjë rrezik në ecje për marrëveshje, për njohje reciproke nuk ka, ndërsa manovrimi me obligimet, koha e implementimit”, vlerësoi Haradinaj.
