Gazetarja e Tëvë1, Fetije Kamberi e cila po ndodhet në fshatin Soqanicë të Leposaviqit ka thënë se deri pas orës 11:00 kanë votuar vetëm 8 qytetarë, që sipas saj, kanë qenë të gjithë nga komuniteti serb.
Ajo gjithashtu ka qenë edhe në fshatin Koshtovë të Leposaviqit, ku dalja e qytetarëve për të votuar ka qenë minimale, ku numri i votuesve në orët e para ka shkuar vetëm në 5.
“ Kam qenë edhe në fshatin Koshtovë të Leposaviqit, në objektin komunal dalja ka qenë minimale e qytetarëve për votim, deri sa ishim atje kanë qenë 5 persona të cilët kanë shfrytëzuar votën e tyre, katër nga ta kanë qenë pjesë e komisionarëve dhe vëzhguesve”, ka shtuar Kamberi.
Në përgjithësi dalja e qytetarëve në zgjedhje për shkarkimin e kryetarëve në katër komunat veriore është e ulët. Sipas KQZ-së deri në orën 11:00 kanë votuar gjithësje 85 qytetarë në të gjitha komunat.
./teve1.info/