Nina Honchar dhe djali i saj Mykola janë ndër 10 banorët e vetëm që mbetën në fshatin e shkatërruar ukrainas Bohorodychne.
Përveç dhembjes për humbjen e të birit dhe vëllait, Nina dhe Mykola po përballen edhe me mungesë të kushteve elementare për jetesë.
Ndërsa ecë nëpër rrënojat e fshatit pothuajse të braktisur, Honchar mes lotësh rrëfen për dy plagët që mori nga lufta.
“Jam plagosur dy herë. Kam nxjerrë copëza nga trupi im. Unë nuk shkova askund. Unë isha nën mitraloz. Rusët më kapën. Çfarë janë rusët? Ata janë budallenj. Ata granatuan kishën”, Mykola Honchar- banor në Bohorodychne
Ndërkohë nëna e tij 91 vjeçe, Nina pothuajse tërë ditën e kalon brenda këtyre mureve të errëta.
E furrën të cilën e ka në dhomë rrallë herë e ndez pasi shkatërrimi i fshatit i la pa asnjë të ardhur.
“Kështu jetojmë. Ku të shkojmë? Ma vranë djalin. Nuk ka pension, nuk di si ta marr, do të blija peshk, salsiçe ose bukë”, thotë ajo.
Fshati Bohorodychne i cili gjendet brenda rajonit të Donetskut të Ukrainës pa betejat më të ashpra nga pushtimi rus.
Para fillimit të luftës në fshat jetonin qindra banorë, ndërsa tani kanë mbetur vetëm 10./Teve1.info/