Erërat e forta gjatë ditës së sotme në Kosovë, kanë shkaktuar dëme në disa ndërtesa banimi dhe rrugë në Prishtinë.
Siç ka njoftuar Drejtoria për Siguri dhe Emergjenca në kryeqytet, dëmet janë të vogla dhe ekipet përgjegjëse janë në teren.
Kjo drejtori u ka bërë thirrje qytetarëve për kujdes dhe mos të bëjnë lëvizje të panevojshme.
“Si pasojë erërave të forta janë shkaktuar dëme të vogla në disa ndërtesa dhe rrugë të kryeqytetit. Ekipet tona kanë dalë në terren për të bërë sanimin e këtyre dëmeve dhe janë në gatishmëri për çdo emergjencë tjetër. Ju lutemi të keni kujdes të shtuar, shmangni në maksimum lëvizjet e panevojshme dhe për çdo rast lajmëroni Qendrën Operative Emergjente të Kryeqytetit në numrat: 0800 122 33 ose 0800 122 44”, thuhet në njoftimin e drejtorisë.
Ndërsa, sipas IHMK-së, moti të dielën erërat nga drejtimi i juglindjes do të lëvizin shpejtësi 1-5m/s.