Instituti Kombëtar i Shëndetësisë Publike të Kosovës,ka paralajmëruar për dy variante të reja të Covi-19 që janë përhapur në SHBA dhe Evropë, duke bërë thirrje për kujdes.
IKSHPK ka thënë se pandemia ende nuk ka përfunduar dhe pavarësisht numrit të vogël me Covid-19 është në Kosovë, qytetarët duhet të vazhdojnë t’i respektojnë masat mbrojtës.
Po ashtu ata kanë theksuar se sipas vlerësimit të Qendrës Evropiane për Parandalimin dhe Kontrollin e Sëmundjeve këto variante mund të rrisin numrin e rasteve në javët dhe muajt e ardhshëm në rajonin evropian.
“Në vende të ndryshme të botës, po regjistrohen raste të shumta të COVID-19, sepse pandemia ende nuk ka mbaruar. Sipas vlerësimit të fundit në SHBA, del se BQ.1 dhe BQ.1.1 janë të lidhur ngushtë dhe përbëjnë 16.6% të varianteve të koronavirusit në vend, vlerë kjo e cila gati është dyfishuar nga java e kaluar, pëRderisa Evropa pret që ato të bëhen variantet dominuese brenda muajit të ardhshëm. Të dy variantet janë pasardhës të nënvariantit BA.5 të Omicron, i cili është forma dominuese e koronavirusit në Shtetet e Bashkuara. Rregullatorët në Evropë dhe SHBA kanë rekomanduar kohët e fundit dozat përforcuese të vaksinave”, thuhet në njoftim.
Sipas virologëve dhe studiuesve të vaksinave “këto variante (BQ.1 dhe BQ.1.1) mund të çojnë në rritje të numrit të rasteve këtë dimër në SHBA, dhe kjo rritje po vërehet në Evropë dhe Mbretërinë e bashkuar,”.
Organizata Botërore e Shëndetësisë këtë javë tha se BQ.1.1 po qarkullon në të paktën 29 vende.
CDC e SHBA ka konfirmuar se BQ.1 dhe BQ.1.1 javën e kaluar u vlerësua se përbën 9.4% të varianteve qarkulluese.
“MSh dhe IKSHPK rekomandojnë qytetarët që përkundër situatës së qetë dhe stabile epidemiologjike në vend, të jenë të kujdesshëm në zbatimin e masave preventive kundër sëmundjeve ngjitëse dhe të vaksinohen kundër COVID-19”,thuhet në njoftim./teve1.info/
