Ai thotë poashtu tha se kërkesë tjetër e tyre do të jetë që dialogun me Serbinë ta qojnë drejt pikës finale.
“Mesazhi i senatorëve amerikanë gjatë vizitës sot dhe nesër si dhe gjatë takimeve që janë duke zhvilluar me Presidenten Osmani dhe Kryeministrin Kurti dhe faktorët e tjerë politik, ata do të kërkojnë nga Kosova që ta dinë gjendjen reale, do të kërkojnë nga shteti jonë që ta qojnë dialogun me Serbinë drejt pikës finale dhe ajo çfarë është kryesore në këtë rast është që edhe ato disa nismat që kanë pasur ose marrëveshja e 4 shtatorit, sigurt që do të kërkojnë nga Kryeministri dhe Presidentja që të zbatohen ato pika të cilat janë shumë të rëndësishme për Kosovën siç është ajo e gazsjellësit dhe e hekurudhës që e lidh Durrësin dhe Prishtinën”, tha Avdia në emisionin “Ditari” në Tëvë1.
Ai duke folur për dialogun Kosovë-Serbi tha se duhet të ketë një strategji dhe po ashtu riformatizim të ekipit negociator.
Sipas tij duhet bindur edhe partnerët që Kosova është e gatshme për një marrëveshje ndërkombëtare.
“Duhet të gjendet një formë që para partnerëve ndërkombëtar të krijojmë besueshmëri që ne jemi që të kemi një zgjidhje finale të saktë por që nuk jemi që çështjet të ndahen pjesë një gjë të tillë të cilën e ka kërkuar dhe e ka zbatuar Serbia dhe kjo praktikë duhet të ndërprehet. Qeveria Kurti duhet të jetë më bindëse, më e saktë dhe të ketë lojalitet ndaj partnerëve tanë në këto bisedime për tu bërë më i fortë, më i besueshëm dhe më i qëndrueshëm”, tha Avdia në Tëvë1.
