Deputetja e PDK-së, Blerta Deliu, tha se 134 qytetarë çdo ditë apo rreth 1 mijë çdo javë po e braktisin Kosovën për shkak të mungesës së kushteve dhe perspektivës për të jetuar, raporton teve1.info
Deliu këtë deklarim e bëri në Kuvendin e Kosovës derisa e pyetu kryeministrin Albin Kurti se çka ka bërë Qeveria për parandalimin e këtij fenomeni.
“Pyetja të cilën e kam unë është për eksodin apo ikjen e rëndë e të dhimbshme të qytetarëve të Kosovës. Të dhënat zyrtare të ASK-së janë të frikshme sa i përket ikjes së qytetarëve nga gjitha profesionet, mjek, polic e çfarëdo profesioni po e lëshojnë Kosovën. Gjatë fushatës keni premtuar shumë herë që Kosovën do ta bëni vend ku qytetarët do ta shohin perspektivën këtu, a është shqetësim ky kryeministër 134 persona brenda ditës sipas statistikave apo lëshojnë Kosovën, 1000 qytetarë brenda javës po ikin nga Kosova, çfarë po bënë qeveria e udhëhequr nga ju për ta parandaluar këtë?”, pyeti Deliu.
Deliu tha se shpërfaqja e deputetit Haki Abazi të enjten nuk po e tregon punësimin e krijimin e jetesës së mirë për qytetarët e Kosovës.
“Shpërfaqjen që e pamë sot nga Abazi tregon qartë se çfarë po ndodh. Kjo është që qytetarët e Kosovës nuk shohin drejtësi, nuk shohin punësim për qa ju folët. Pritjet në ambasada janë të gjata, premtimet për punësim, banesa për qifte të reja të cilat i keni dhënë, premtime që Kosova do të bëhet vend më i jetueshëm po shihet që janë premtime të kota e për këtë duhet tu majmë për fjale sepse po shihet që Kosova po zbrazet çdo ditë”, tha Deliu.
