Sipas tij, përfshirja direkte e 5 emisarëve tregon se mund të jetë faza përfundimtare e dialogut për të arritur marrëveshjen mes të dyja shteteve.
“Si duket ka një përhapje të emisarëve të dërguar në Kosovë, tregon se kjo fazë e dialogut Kosovë-Serbi po shihet si shumë e rëndësishme, sipas të gjitha gjasave mund të jetë faza përfundimtare e dialogut. Fakti që tashmë janë të dërguar dhe të përfshirë 5 emisarë, tregon se tashmë po fillon puna serioze për të arritur një marrëveshje përfundimtare mes Kosovës dhe Serbisë”, u shpreh Bytyqi në emisionin “Ditari”.
Ndërsa, sa i përket takimit mbi dy orë mes Kurtit me Miroslav Lajçak dhe dy këshilltarëve të kancelarti Scholz dhe presidentit Macron, Bytyqi bëri të ditur se nga ky diskutim tashmë janë përcaktuar dy këshilltarë nga Franca dhe Gjermania, e që sipas tij, ky është një lajm shumë i mirë për Kosovën.
“Gjithashtu, kemi një risi ku janë përcaktuar dy këshilltarë nga Franca dhe Gjermania dhe sigurisht që mund të jetë diskutuar edhe përmbajtja e letrës që u është dërguar liderëve të Kosovës dhe Serbisë, pra sa i përket dialogut që të ketë përshpejtim të procesit. Në përgjithësi, mund të thuhet se është një lajm i mirë për Kosovën, sepse tregon se edhe Franca edhe Gjermania po e marrin më seriozisht dialogun”, tha tutje ai./Tëvë1.info.