Përfaqësuesi i Lartë për Politikë të Jashtme dhe Siguri i Bashkimit Evropian, Josep Borrell nga Tirana ka folur për takimin e së shtunën në Ohër ndërmjet Kosovës dhe Serbisë, ku ka shprehur bindjen se palët do të vijnë të gatshme për tu dakorduar për zbatimin e planit evropian.
Ai në konferencën për media pas takimit të Këshillit të Stabilizim Asocimit, Shqipëri-BE, tha se nëse ka marrëveshje atëherë do të jetë një hap i madh i vendeve të Ballkanit Perëndimor drejt BE-së.
“Shpresoj që të shtunën të dy palët të vijnë më një qasje konstruktive për të rënë dakord jo vetëm për marrëveshjen por për zbatimin. Nëse kjo ndodhë atëherë Ballkani Perëndimor do të festojë një hap të jashtëzakonshëm përpara për të gjitha vendet drejt Bashkimit Evropian”, ka thënë Borrell, raporton teve1.info.
Kryeministri i Kosovës, Albin Kurti ka thënë se është i gatshëm ta nënshkruaj dhe ka qenë edhe më 27 shkurt në Bruksel, por që sipas tij, Serbia nuk ishte e gatshme për një gjë të tillë.
Para takimit të së shtunës edhe i dërguari i SHBA-së për Ballkanin Perëndimor, Gabriel Escobar u ka bërë thirrje dy vendeve që arrijnë marrëveshje./teve1.info/
