Ai para darkës tradicionale me liderët e vendeve të Ballkanit Perëndimor, ka thënë se mirëpret që shumica e këtyre vendeve janë rreshtuar krahë BE-së kundër agresionit të Rusisë në Ukrainë, duke u bërë thirrjeve edhe vendeve tjera të kësaj pjesë që nuk e kanë bërë një gjë të tillë ta bëjnë.
“Ballkani Perëndimor është pjesë e gjeografisë sonë dhe dëshirojmë të përballemi së bashku me veprimet përçarëse të Rusisë drejtpërdrejt në rajon përmes dezinformimit dhe sulmeve kibernetike Unë e mirëpres që shumica e partnerëve tanë në Ballkanin Perëndimor janë në përputhje të plotë dhe që nga dita e parë me përgjigjen e BE-së ndaj agresionit të Rusisë kundër Ukrainës dhe u bëj thirrje të tjerëve ta bëjnë këtë. Shumica e kanë bërë, dhe po u bëj thirrje të tjerëve ta bëjnë”, ka thënë Borrell përcjell teve1.info.
Borrell ka thënë se Ballkani Perëndimor është aleat strategjik i BE-së.
“Në shtator askush nuk mund të priste që ne do të jemi me një agresor, duke rikthyer luftën në Evropë dhe duke parë këtë ndikim shkatërrues të gjakderdhjes së pakuptimtë. Evropianët nuk e mbajnë mend luftën dhe tani e shohim luftën në kufijtë tanë .Lufta e fundit në Evropë ishte në Ballkan, tani është në Ukrainë dhe sot do të jetë një rast i mirë për të diskutuar mbi ndikimin global dhe rajonal të kësaj lufte të Putinit, një luftë ilegale kundër popullit ukrainas dhe kundër rendit ndërkombëtar të bazuar në rregulla.Si gjithmonë unë jam i etur të dëgjoj për shqetësimet e këtyre liderëve, duke pasur parasysh këtë situatë dhe mënyrën se si ta trajtojmë ndikimin negativ në luftën e Putinit për ushqimin, energjinë dhe stabilitetin në kontinentin tonë të përbashkët”, ka thënë Borrell.
Zëvendëskryeministrja dhe ministrja e Punëve të Jashtme të Kosovës, e cila përfaqëson vendin në këtë takim tha se Kosova është e gatshme për një arritjen e një marrëveshje me Serbinë.
https://teve1.info/lajmet/3gervalla-jemi-te-gatshem-te-sjellim-rezultate-ne-dialog/
