Objekti i Zyrës Lokale për Komunitete dhe Kthim, nga enjtja do të shërbejë si zyrë e kryetarit të Komunës së Zubin Potokut.
Kjo pasi ndryshe nga Mitrovica e Veriut, Qeveria e Kosovës nuk i ka vazhduar betimet e kryetarëve në kuvendet komunale.
E betimi i kryetarit të Komunës së Zubin Potokut, Izmir Zeqiri do të mbahet në fshatin Çabër.
Sipas Zeqirit, është vështirë që në këtë periudhë të kryejë detyrën e tij si kryetar në zyrën e Komunës.
Mirëpo, i pari i Zubin Potokut nuk ka dhënë detaje se sa mund të vazhdojë punën në këtë objekt.
Nga ana tjetër, komuna e Zveçanit këtë proces nuk do të zhvillojë në Zyrën Lokale për Komunitete dhe Kthim.
Mirëpo i pari i kësaj komune, Ilir Peci nuk ka pranuar të flasë para kamerave.
E ndryshe prej këtyre dy komunave, procesi i betimit të kryetarit të komunës së Leposaviqit, Lulzim Hetemi do të bëhet në fshatin Bistricë. Gjatë qëndrimit në ato anë, ekipi i Tëvë1 ka provuar të marrë një qëndrim edhe nga Hetemi, por që nuk ka pranuar të flasë para kamerave për detaje shtesë.
