Policia e Kosovës ka gjobitur sot një ngasës të autobusit në Prizren, pasi kishte kryer tejkalim të kolonës, me ç’rast ka rrezikuar trafikun.
Sipas njoftimit, ngasësi i autobusit është dënuar me gjobë 150 euro, si dhe i është marrë patentë shoferi për 3 muaj, përcjell teve1.info
“Në kuadër të lëvizjeve të rregullta të policisë me 02 gusht 2023, zyrtarët e DRP Prizren dhe Stacionit Policor Prizren-Veri, një ngasësi të autobusit i ka shqiptuar gjobë prej 150 (njëqind e pesëdhjetë) euro, dhe i është shqiptuar masa mbrojtëse e ndalimit të patentë shoferit prej 3 muaj, Arsyeja është se i njëjti ka hyrë në tejkalim të kolonës dhe atë nga ana djathë, duke rrezikuar trafikun dhe duke shkaktuar revolt të qytetarët”, bëhet e ditur në njoftimin e PK-së.
