Kjo ndërmarrje që nga fillimi janarit të vitit 2021, në Prishtinë nisi zbatimin e projektit të menaxhimit të parkingjeve publike dhe pagesa për çdo makinë në hapësirat të cilat janë të shënjuara në rrugë.
Kasumi-Berisha deklaroi se kjo ndërmarrje ka bërë një zgjerim të shpejtë e të pastudiuar në Prishtinë, e që sipas saj opozita kohëve të fundit ka vërejtur se komuna nuk ka në tërësi menaxhimin e “Parking Prishtina”.
“Prishtina Parking ka bërë një zgjerim teper të shpejt dhe të pastudiuar në shumë lokalitete të ndryshme dhe rrugë edhe lagje të komunës së Prishtinës, çka kemi vrejt së fundmi ne si opozitë është që komuna nuk e ka krejt në menaxhim ndërmarrjen”, tha ajo.
Sipas saj, kjo ndërmarrje nuk menaxhohet nga komuna e Prishtinës sepse kjo komunë ka hapur një tender për instalimin e kamerave nëpër rrugë të kryeqytetit pa pasur autorizim.
“Nuk menaxhohet prej komunës së Prishtinës, përderisa e hap një tender për instalimin e kamerave nëpër rrugë të kryeqytetit pa pasë një autorizim, sepse për këtë gjë ekziston Ministria e Punëve të Brendshme dhe do duhet të ishte një autorizim prej Policisë, ata e hapin një tender që pas disa ditëve nënkuptohet ajo që është një punë e pa bërë dhe anulohet komplet tenderi”, deklaroi ajo në Tëvë1.
Tutje ajo në ‘Info Nata’ deklaroi se ka pasur raste edhe kur është bërë tentim për të hapur autolarje e që rregullorja nuk e lejon një gjë të tillë.
Asamblistja e Lëvizjes Vetëvendosje theksoi se në komunën e Prishtinës ka eskalim të situatës në terma të kompetencave e që sipas saj kjo është alarmante.
“Kemi edhe rastin ku është bërë një tentim për hapjen e autolarjeve gjë që rregullorja aktuale e votuar prej kuvendit të komunës, ndërmarrjes nuk i’a lejon një veprimtari të tillë, dmth kemi një eskalim të situatës në terma të kompetencave edhe kjo është një gjendje alarmante”, tha Kasumi-Berisha.
