Policia e Kosovës ka arrestuar personin e kërkuar për veprën penale “Vjedhje e rëndë”, pas publikimit të fotografisë së tij ku u kërkua bashkëpunim me qytetarët.
Policia thotë se arrestimi i Shqiprim Dedaj, u bë falë bashkëpunimit me qytetarët. Ai është arrestuar në rrugën “Pashko Vasa” në Gjakovë.
“Sektori Rajonal për Hetime, falë bashkëpunimit me qytetarë dhe media, pas publikimit të fotografisë së personit të kërkuar, ka arritur që për një kohë të shkurtë të siguroj informacion lidhur me vendndodhjen e të kërkuarit dhe të bëjë arrestimin e tij. Në momentin e arrestimit, në posedim të tij janë gjetur dhe janë sekuestruat një shumë parash të cilat dyshohet se ai i kishte përvetësuar në kohën e kryerjes së veprës penale, për të cilën ishte lëshuar kërkesë për bashkëpunim me qytetarë. Me vendim të Prokurorit të Shtetit i dyshuari është ndalur në mbajtje për 48 orë”, thuhet në komunikatë.
Drejtoria Rajonale e Policisë në Gjakovë, ka falënderuar të gjithë qytetarët dhe mediat për bashkëpunimin e treguar me Policinë e Kosovës, bashkëpunim ky i cili po ndikon në ruajtjen e rendit dhe sigurisë publike./teve1.info/
