Dy persona nga Drenasi të moshës 32 dhe 30 vjeç nga Drenasi janë arrestuar nga Policia e Kosovës të cilët dyshohet se kanë mbajtur të mbyllura dy gra dhe i kanë sulmuar fizikisht.
Sipas PK-së të arrestuarit B.S dhe V.M, janë arrestuar sot për rastin i cili është raportuar në nëntor të vitit të kaluar.
“Rasti është raportuar në nëntor të vitit të kaluar, nga ankueset (femra), sipas të cilave pa dëshirën e tyre janë mbajtur të mbyllura në dy lokacione të ndryshme si dhe janë sulmuar fizikisht nga personat e dyshuar. Personat e dyshuar: – V.M, mashkull 30 vjeç, shtetas i Republikës së Kosovës dhe B. S, mashkull 32 vjeç, shtetas i Republikës së Kosovës, pas intervistimit me vendim të prokurorit janë dërguar në mbajtje”, thuhet në komunikatë.
