Përmes komunikatës, bëhet e ditur se pjesëmarrës në këtë konferencë do të jenë përfaqësues nga Prokurori i Shtetit, Inspektorati Policor i Kosovës dhe nga Policia e Kosovës.
“Ju njoftojmë se sot, (e hënë) 14 mars 2022, Prokurori i Shtetit organizon konferencë të jashtëzakonshme lidhur me operacion e koduar me emrin “Pika”, që është zhvilluar në rajonin e Gjakovës dhe të Prizrenit. Pjesëmarrës në këtë konferencë do të jenë përfaqësues nga Prokurori i Shtetit, Inspektorati Policor i Kosovës dhe Policia e Kosovës. Konferenca do të mbahet nga ora 15:00, në objektin e Prokurorit të Shtetit, kati tretë, salla e takimeve të KPK-së”, thuhet në njoftim.
Ndryshe, paraditen e së hënës, IPK së bashku me Agjencinë Kosovare të Inteligjencës, Doganën dhe Policinë e Kosovës dhe Prokurorinë Speciale kanë zhvilluar operacionin “Pika” në Gjakovë e Prizren.
Dogana e Kosovës ka njoftuar se nga ky aksion janë arrestuar dy zyrtarë të saj nën dyshimin se kanë kryer veprat penale “mitmarrje” dhe “shpërdorim i detyrës apo autoritet zyrtar”./teve1.info/
