Ambasadorja e Izraelit në Kosovë, Tammy Ziv, u ka uruar suksese dy shteteve para ndeshjes së futbollit e cila luhet në Prishtinë, sonte nga ora 20:45, në kuadër të kualifikimeve për Kampionatin Evropian që zhvillohet vitin e ardhshëm në Gjermani.
Ajo me një fanellë të shtetit të Kosovës, përmes një video të publikuar në platformë X, ka dhënë një mesazh para ndeshjes Kosovë-Izrael, ku ka uruar Kosovën që është zgjedhur për të organizuar Lojërat Mesdhetare.
Policia e Kosovës ka njoftuar se në bashkëpunim dhe koordinim me Federatën e Futbollit të Kosovës dhe akterët relevantë, kanë ndërmarrë masat e nevojshme për mbarëvajtje të ndeshjes Kosova-Izraeli, nga ora 20:45, në stadiumin “Fadil Vokrri”, në Prishtinë.
Kjo ndeshje ishte në program të luhej në muajin tetor, por ishte shtyrë për shkak të zhvillimeve në Izrael, pas sulmit nga grupi militant Hamas.
Good luck to #Israel and #Kosova national teams tonight at “Fadil Vokrri” Stadium in Prishtina!
Behatzlaha! Gëzuar! #KOSISR
🇮🇱 🤝🇽🇰 pic.twitter.com/agfdCwj2Az— Tammy Ziv 🇮🇱 (@AmbTammyZiv) November 12, 2023
