Policia e Kosovës në vazhdën për parandalimin dhe luftimin e rasteve të abuzimit me substanca narkotike, pas hetimeve sot në rajonin Mitrovicës në veri ka realizuar një operacion policor antidrogë.
Policia ka bërë të ditur se ky operacion është bërë me mbështetjen edhe të njësive të tjera relevante policore, raporton teve1.info
Postimi i plotë:
Policia e Kosovës me angazhime konkrete në parandalimin dhe luftimin e abuzimit me droga
Prishtinë, 12 shkurt 2023
Policia e Kosovës, konkretisht Drejtoria për Hetimin e Trafikimit me Narkotikë në vazhdën e luftës për parandalimin dhe luftimin e rasteve të abuzimit me substanca narkotike, pas hetimeve intensive sot më 12.02.2023, në rajonin e Mitrovicës veri, është duke realizuar një operacion policor antidrogë, me mbështetjen edhe të njësive tjera relevante policore.
Policia e Kosovës në fushën e parandalimit, hetimit dhe zbulimit të trafikimit me narkotikë edhe gjatë vitit të kaluar ka ndërmarr disa operacione të suksesshme policore ku janë konfiskuar sasi e konsiderueshme e substancave të dyshuara narkotike, janë zbuluar laboratorë droge, janë arrestuar numër i madh i personave të dyshuar, si dhe janë shpartalluar grupe të ndryshme kriminale në mbarë vendin.
Lidhur me rezultatet apo detajet e këtij operacioni të antidrogës do të njoftoheni me kohë pas pranimit të raporteve apo informatave nga njësitet në teren.
