Kryetar i AKK-së është zgjedhur Agim Aliu i cili është edhe kryetar i Ferizajt.
“Në këtë takim, me shumicë votash dhe në bazë të formulës sipas Statutit të AKK-sê bazuar në zgjedhjet lokale të vitit 2021, kryetari i ri i Asociacionit të Komunave të Kosovës është zgjedhur z.Agim Aliu – Kryetar i Komunës së Ferizajit. Ndërsa anëtarë të Bordit u zgjodhën: z.Imri Ahmeti – Kryetar i Komunës së Lipjanit, z.Shaqir Totaj – Kryetar i Komunës së Prizrenit, z.Bali Muharremaj – Kryetar i Komunës së Suharekës, z.Xhafer Gashi – Kryetar i Komunës së Obiliqit, z.Sokol Haliti – Kryetar i Komunës së Vitisë dhe z.Dragan Petkovic – Kryetar i Komunës së Parteshit”, thuhet n ë komunikatën e AKK-së.
Poashtu Kuvendi i Përgjithshëm i Asociacionit të Komunave të Kosovës me shumicë votash ka aprovuar raportet vjetore të vitit 2021 dhe planet për vitin 2022.
Në këtë takim të Kuvendit janë diskutuar edhe tema të lobimit në interes të qeverisjes lokale në Republikën e Kosovës.
Kryetar i AKK-së deri më sot ka qenë Imri Ahmeti.
