Sipas njoftimit, GP e AAK-së ka ngritur disa çështje në lidhje me energjinë elektrike.
Ata kanë kërkuar që në asnjë formë të mos ngrihet çmimi i energjisë elektrike, të monitorohet për së afërmi marrëveshja për energjinë si dhe ZRRE-ja t’i shikojë të gjitha masat për shfrytëzimin e burimeve alternative për energjinë.
“- Kërkuam që në asnjë formë të mos ngritet çmimi i energjisë elektrike, për shkak se është i papërballueshëm për qytetarët e Kosovës, në veçanti duke e ditur ngritjen enorme të çmimeve të produkteve ushqimore dhe produkteve tjera; – Kërkuam nga ZRrE që, fillimisht marrëveshja për energjinë të monitorohet për së afërmi dhe të sigurohet zbatimi i udhërrëfyesit, i cili tanimë është bllokuar dhe ende nuk është dorëzuar lista e konsumatorëve që duhet të paguajnë për shpenzimin e energjisë elektrike në veri të Kosovës; – Kërkuam nga ZRrE që t’i shikojë të gjitha masat për shfrytëzimin e burimeve alternative të energjisë. Por, mbi të gjitha, trajtimin e temës së shfrytëzimit të kapaciteteve tona për energji, atë të linjitit, në mënyrë që Kosova të mos jetë peng dhe e varur nga furnizuesit e energjisë, mirëpo të shfrytëzojë burimet e veta që janë ndër më të pasurat në Evropë në këtë sektor”, thuhet më tej në njoftim.
Nga GP e AAK-së kanë thënë se janë zotuar se si subjekt politik, do ta trajtojnë këtë temë me prioritet të lartë në Kuvend.
“Falënderuam bordin për informatat rreth gjendjes së energjisë elektrike, dhe u zotuam se si subjekt politik, këtë temë do ta trajtojmë me prioritet të lartë në Kuvend dhe në nivel vendi”, thuhet më tej në njoftim. /teve1.info/
