Janë personat që dalin në vijë të frontit, në rast të rrezikut territorial.
Për ushtarët e Forcës së Sigurisë së Kosovës, ndahen miliona euro për uniforma e veshmbathje.
5 milionë euro janë të destinuara për uniforma kamuflazh dhe rezistente ndaj ujit e erës.
Ato kërkohen të jenë tri ngjyrëshe, të dizajnuara posaçërisht për të lejuar shkrirjen e uniformës me ambientin, e në të e integruar, është edhe harta e Republikës së Kosovës, që garanton dallueshmërinë e pjesëtarëve të FSK-së.
“Me qëllim të arritjes së mbrojtjes ndaj elementeve të natyrës, siç janë era, shiu, apo bora, disa pjesë të jashtme të uniformës duhet të prodhohen nga material funksional, me membranë, të cilët sigurojnë qëndrueshmërinë ndaj ujit dhe ajrosjen, por, gjithashtu në të njëjtën kohë të ofrojnë nxehtësi”
Krahas uniformave, Ministria e Mbrojtjes ka ndarë 2 milionë euro për furnizime me çizme ushtarake të verës dhe të dimrit.
“Sasia indikative për furnizime për periudhën kohore prej 36 muaj do të jetë 8500 palë çizme verore, si dhe 8500 çizme dimërore, por që mund të ndryshojë sasia në +- 30%”
Si pozitive këto furnizime i sheh edhe njohësi i sigurisë, Avni Islami.
Përpos shërbimeve brenda territorit të Kosovës, FSK ka filluar këtë vit edhe me operacione paqeruajtëse edhe jashtë vendit tonë.
Kronika e realizuar nga Florijeta Dernjani
