Presidentja e Republikës së Kosovës, Vjosa Osmani, ka udhëtuar për në Finlandë, ku pritet të marrë pjesë në varrimin e ish-presidentit të Finlandës dhe njëherit i ngarkuari i posaçëm i OKB-së i cili e kishte propozuar pavarësinë për Kosovën, raporton teve1.info
Sipas komunikatës së Presidencës, në delegacionin shtetëror të Kosovës do të jetë edhe Fatmir Sjediu.
“Me ftesë të qeverisë finlandeze, Presidentja Osmani krahas krerëve shtetëror nga vende të tjera të botës do të marrë pjesë në varrimin e ish-presidentit të Finlandës dhe kryenegociatorit për statusin e Kosovës, Martti Ahtisaari. Në delegacionin shtetëror të Presidentes do të jetë edhe ish-Presidenti Fatmir Sejdiu”, thuhet në komunikatë.
Funerali i presidentit Ahtisaarit do të mbahet më 10 nëntor.
