Shkollat fillore e të mesme në Kosovë do të furnizohen me piceta higjienike për vajzat.
Kjo pasi Ministria e Arsimit ka hapur tender për blerjen e tyre për perioda mujore dhe ditore.
Për këtë MASHTI ka paraparë të shpenzojë 350 mijë euro, ku përfshihet blerja edhe pajisjeve tjera sanitare.
“Pecete për femra për perioda/mujore/ ditore nëpë tualete të shkollave fillore dhe të mesme në Kosovë, llogaria është në një pako me 100 copë, të parashihet me pako te montuar në murë”, thuhet në përshkrimin e tenderit.
E një gjë e tillë, nga shkollat në Kosovës po shihet shumë e nevojshme.
Madje si veprim të duhur po e konsiderojnë edhe njohësit e arsimit.
Që në shkolla të këtë piceta menstruale, iniciues ishte edhe deputetja e Vetëvendosjes, Tinka Kurti.
Kurti madje ka treguar se së shpejti pritet të kualifikohen si produkte medicinale.
Të gjitha kompanitë e interesuar për të këtë tender, kanë pasur kohë të aplikojnë deri me datën 20 nëntor.
