23 krerë lopë me sëmundjen e brucelozës dhe 10 të tjera në Mikushnicë të Skenderajt që dyshohet se mund të infektohen ende nuk janë asgjësuar. Pronari i Fermës kërkon që ky proces të kryhet sa më parë sepse kanë nisur ti infektohen edhe familjarët.
Këto lopë janë në pronësi të fermerit Adnan Rexhepi nga Mikushnica e Skenderajt.
Por, 23 prej këtyre bagëtive janë me sëmundjen e Brucelozës-që konsiderohet si e rrezikshme dhe infektive.
Andaj, ai kërkon që asgjësimi i tyre të kryhet sa më parë, për shkak se tashmë i janë infektuar edhe anëtarët tjerë të familjes.
Asgjësimi i kafshëve ishte planifikuar të bëhej para 6 ditëve. Por që tri herë radhazi inspektoret e Agjencisë së Ushqimit u penguan të kryenin detyrën e tyre.
Por, për të mos dështuar e katërta, në terren doli vet drejtori i Inskpecionit, Valon Haliti.
Ky për tëvë1 ka treguar që është caktuar lokacioni i radhës për asgjësimin 33 kafshëve në Mikushnicë të Skenderajt.
Këtë e mohojnë nga AUV-i, ku zëdhënësi Lamir Thaçi thotë se edhe ky lokacion ka dështuar dhe si rrjedhojë nuk mund të bëhet ky asgjësim.
Ai tregon edhe për dëmet që mund të shkaktohen nga kjo sëmundje pasi që kjo mund të përhapet edhe tek njerëzit tjerë.
Ndërkohë, asgjësimi ka dështuar për shkak se banorët kanë refuzuar që kjo procedurë të kryhet në këto lokacione, pasi sipas tyre, po rrezikohet shëndeti.
Sipas ligjit aktual, çdo komunë është e detyruar që ta caktojë një lokacion për asgjësimin e kafshëve në rast të paraqitjes së sëmundjeve të tilla, teksa përgjegjëse për kompensimin e fermerëve por edhe asgjësimin është AUV-i.
