Kurti këto deklarime i bëri gjatë përgjigjes së deputetes Blerta Deliu në pyetjen se çka po bënë Qeveria për ta ndaluar migrimin e qytetarëve të Kosovës.
Kryeministri Kurti tha se migrimi në dekadat e kaluara ka qenë si shkak i shtypjes politike në okupim, derisa shtoi se pas çlirimit dhe pavarësisë së vendit kjo ka ndodh për shkak të mungesës së punësimit.
“Migrimi në shekullin e kaluar ka qenë rezultat i shtypjes politike se kemi qenë në okupim por ka vazhduar edhe pas çlirimit dhe shpalljes së Pavarësisë për shkak të mungesës së vendeve të punës”, u shpreh Kurti.
Kryeministri Kurti tha ndër të tjera se në mandatin e tij janë punësuar 40 mijë qytetarë, 5 mijë gra, 239 persona me aftësi të kufizuara e fuqizuar sektorin privat në Kosovë.
Ai tha se fokusi i Qeverisë së drejtuar nga ai ka qenë drejtësi dhe punësim.
“Folusi ynë në zgjedhjet e 14 shkurtit ka qenë drejtësi dhe punësim. Për të parën të gjithë pajtohen se është bërë punë e jashtëzakonshme nga Policia për luftimin krimit të organizuar. Duhet edhe angazhim dhe vullnet nga sistemi i drejtësisë duke marrë vendime meritore për kriminelët. Procesi i vetingut do të kontribuoj në sistem të drejtësisë efikas përveç i drejtë. Mbi 40 mijë më shuam të punësuar nga fillimi i mandatit. Prioritet është grupet e margjinalizuara, grave. Me masën e të pakos ekonomike i kemi punësuar 5 mijë gra, 239 persona me aftësi të kufizuar. Para 10 ditëve me pilotimin skemës së garantuar të punësimit për të rinjtë, jemi duke e fuqizuar sektorin e teknologjisë në Kosovë”, tha Kurti.
https://teve1.info/lajmet/deliu-kurtit-134-qytetare-ne-dite-shperfaqja-e-haki-abazit-e-tregon-qarte-se-cka-po-ndodh/
