Kryeministri i Republikës së Kosovës, Albin Kurti, priti në një takim të Ngarkuarin me punë të Ambasadës së Malit të Zi në Republikën e Kosovës, Bernard Ҫobaj, me të cilin biseduan për Samitin e Liderëve të Ballkanit Perëndimor dhe Bashkimit Evropian që do të mbahet 16 maj.
Nga zyra e kryeministrit thonë se ky samit, i organizuar nën sloganin “Një rajon, vizion i përbashkët”, do të shërbejë si platformë për të diskutuar Planin e Rritjes për Ballkanin Perëndimor.
“Krahas diskutimit rreth bashkëpunimit dhe marrëdhënieve bilaterale ndërmjet Kosovës dhe Malit të Zi, kryeministri Kurti dhe z. Ҫobaj biseduan edhe për përgatitjet në prag të Samitit të Liderëve të Ballkanit Perëndimor dhe Bashkimit Evropian, që do të mbahet 16 maj në Kotor të Malit të Zi, nën organizimin e Qeverisë së Malit të Zi”, thuhet mes tjerash në këtë komunikatë.
