Sipas tij, mënyra se si Qeveria Kurti më herët ka bërë kundërshtime lidhur me çështjen e marrëveshjes për energji, i ka bërë dëm Kosovës edhe në marrëveshjet tjera.
“Se si është arsyetuar Qeveria Kurti mendoj që u takon tyre. Një arsyetim që në vetveten e saj e ka bërë gjithë atë kundërshtim, me gjuajtje të gazit, sulme të ndryshme e të cilat i kanë bërë dëme të mëdha Republikës së Kosovës e që ndërlidhet edhe me marrëveshje tjera. Tash duhet t’i analizojmë edhe në mënyrë të shkruar mos ka ndonjë gabim, ata duken që janë të paaftë ose janë të pavëmendshëm, nuk e kanë përvojën dhe pjesën profesionale. Ne do të insistojmë me transparencë të plotë, me mbikëqyrje parlamentare që eventualisht të mos lëshohet ndonjë gabim i cili mund të na kushtojë në të ardhmen”, tha ai në emisionin “Infonata”
Mirëpo, Zemaj pretendon se tanimë pas arritjes së marrëveshjes për energji në veri të vendit, të gjithë qytetarët do të paguajnë taksa në mënyrë të barabartë.
“Është një marrëveshje “kryekëput” e bazuar ose e rishkruar në kuptimin e marrëveshjes 2012 dhe 2015. Kjo marrëveshje është pozitive në kuadër të gjithë asaj që është insistuar që të kemi një shtrirje dhe të sovranitetit në pjesën veriore të Kosovës e që ndërlidhet me sektorin e energjisë, të gjithë qytetarët të paguajnë në mënyrë të barabartë dhe mos të paguajmë ne dyfish nga taksat tona”, shtoi Zemaj.
Para disa ditësh, Kosova dhe Serbia kanë rënë dakord për zbatimin e marrëveshjes për energjinë në veriun e Kosovës.
