Ymeri nuk e përjashton se ajo çfarë po ndodh në veri, është “strategji” për pranim të Asociacionit

Ai thotë se nga ajo se çfarë ka ndodhë ka elemente që të dërgojnë në atë drejtim, që sipas tij paraparë është gabim.

“Nuk e përjashtojë, s’është që nuk ka elemente që të bën me mendu në këtë drejtim, por sidoqoftë nëse është kështu prapë është gabim, jo pse e pranon Asociacionin se edhe populli i Kosovës e di që kjo është një kërkesë e SHBA-së…”, ka thënë Ymeri në emisionin “Info Nata”, në Tëvë1.

Ai ka thënë se kryeministri Kurti, ministri Sveçla do duhej të ishin shumë më aktiv në komunikimin me publikun së pari dhe më pas me institucionet e Kosovës që janë vendosur në veri.

Ish-kryetari i VV-së, duke folur për situatën në veri tha se do të gjendet një zgjidhje, por që sipas tij, pyetja është se në çfarë pozicioni po vendoset Kosova.

“Zgjidhja do të vije, por kur vjen a po fiton Kosova, apo po e vendos vetën në një pozicion pak më të vështirë”, ka thënë Ymeri.

Në veri të Mitrovicës që 9 dhjetori janë vendosur barrikada në disa rrugë nga serbët lokal.

Drejtori ekzekutiv në Institutin Musine Kokalari, Visar Ymeri, ka thënë se bazuar nga deklarimet publik ka një tërheqje të kryeministrit Kurti sa i përket përfundimit të dialogut me njohje reciproke.

“Gjykuar nga deklaratat publike ka një tërheqje, sepse kryeministri sa herë që folke për këtë gjë kujdesej që ta thotë se marrëveshja do ta ketë njohjen në qendër, tash nuk është se po e përsërit me të njëjtin intezitet, edhe pse po e përmend ende”, ka thënë Ymeri.