Presidenti i Serbisë, Aleksandër Vuçiq i ka mbështetë argumentet e Listës Serbe për të bojkotuar votimin e shkarkimit të kryetarëve në katër komunat në veri të Kosovës.
Vuçiq duke komentuar udhëzimin administrativ se për shkarkimin e kryetarëve duhet të votojnë 50+1 nga numri i votuesve të regjistruar, ka thënë se kjo është e pa mundur, sepse në këtë përqidnje nuk janë të gjithë serb.
“Dhe kur përkundër gjithë dredhive të Kurtit i mbledhim ato nënshkrime, na thonë – jo, hajde të shkojmë në referendum. E në referendum duhet 50 për qind plus 1 votë. Epo, nuk ka aq shumë serbë duke jetuar…u regjistruan 862 persona”, tha Vuçiq, raportojnë mediat serbe.
Ai këto komete i ka bërë gjatë një konference për media bashkë me kreun e Republikës Serbe Milorad Dodik.
Lista Serbe ditë më parë ka njoftuar se nuk do të marrë pjesë në votimin e 21 prillit, pasi siç kanë thënë ata Kurti ka bërë gjithçka që ky proces të dështojë.
Për vendimin e Listës Serbe kanë reaguar edhe vendet e QUINT-it
Ndërsa, Vuçiq ka thënë se për këto kritika atyre duhet tu vije turp.
“Edhe pas 3.4 për qind dalje në zgjedhje, ata thonë – Beogradi e ka fajin? Turp t’ju vijë. Shikoni veten në pasqyre o gënjeshtarë”, tha Vuçiq.
