Në qendrën më të madhe të votimit në Velje Breg të Zubin Potokut, asnjë qytetar nuk ka dal të shfrytëzoj të drejtën e tij për votim. Në këtë qendër të votimit të drejtë vote kanë pasur 4 mijë e 111 persona.
Pavarësisht kushteve të cilët janë krijuar për mbajtjen e zgjedhjeve dhe thirrjeve të liderëve, edhe qendra e votimit në Jasenovik dhe Bërnjak në Komunën e Zubin Potokut janë mbyllur pa votues.
Ekipi i Teve1, të cilët po qëndrojnë në këtë komunë, kanë bërë të ditur se situata ka kaluar e qetë, si dhe gjatë ditës ka pasur lëvizje të qytetarëve shqiptarë dhe serbë, por të cilët nuk kanë votuar.
Ndërsa, qendra e votimit në shkollën “Osman Rama”, është e vetmja në Zubin Potok ku kanë votuar qytetarë. Deri në orën 19:00, kanë votuar 385 qytetarë nga 1,534 sa kanë pasur të drejtë vote.
