Gjykata Themelore në Prishtinë të mërkurën në ora 09:00 do shpallë vendimin për vrasjen e 18- vjeçarit, Lulizim Fejzullahu në Podujevë.
Këtë e ka bërë të ditur Tomë Gashi, avokati i familjes Fejzullahu
“Nesër me 31.07.24 ne ora 9:00 do te publikohet vendimi i Gjykatës për rastin e vrasjes se Lulzim Fejzullahut. Për vrasjen e Lulit kanë mëkate edhe vete 3 Gjyqtare te Gjykatës Themelore ne Prishtine te cilët se paku njërit prej sulmuesve mizore ndaj Lulit për vepra shume te rënda penale qe nga tentim vrasja e një nxënësi ne apo afër oborrit të shkollës ne Besian pak vite më parë nuk i dhanë dënimin meritor”, ka shkruar ai në Facebook.
Po ashtu, Gashi është shprehur se nëse gjykatësit, do ti kishin dhënë dënim të duhur për veprat penale paraprake të tij, ai sot nuk do të ishte në burg për këtë vrasje dhe Lulzimi do të ishte gjallë.
Ndryshe, Apeli ka anuluar aktgjykimin e Gjykatës Themelore në Prishtinë, me të cilin i mituri i parë i akuzuar për vrasjen e rëndë të 18-vjeçarit ishte dënuar me 10 vjet burgim, ndërsa i mituri i dytë me 9 vjet burgim.
Aktgjykimi i Apelit është marrë më 17 korrik 2024, me të cilin ka aprovuar si të bazuara ankesën e mbrojtësit të të miturit të parë, avokatit Skender Musa dhe mbrojtësit të të miturit të dytë, avokatit Florent Latifaj.
Sipas vlerësimit të kolegjit të gjyqtarëve të Gjykatës së Apelit, qëndron pretendimi i avokatit Musa se kryetarja e trupit gjykues, Lumnije Krasniqi ka qenë gjyqtare e procedurës paraprake në të njëjtin rast penal.
Apeli vlerëson se gjyqtarja Krasniqi është dashur të përjashtohet nga gjykimi i kësaj çështjeje penale./teve1.info.