Në një konferencë për media, Tahiri thotë se Qeverisë duhet parashtruar disa pyetje lidhur me refuzimin të votimit të këtij Komisioni.
“Kujt po i frikohen, pse po frikoheni të krijoni një komision parlamentar. Shumica parlamentare vendosi të mos mbështes pa dhënë asnjë arsyetim. Pyetja e parë qe duhet ti bëhet Qeverisë. Kujt po i frikoheni? Pse po frikoheni të krijoni një komision parlamentar? A po frikoheni qe do del në shesh që ne jemi vendi i fundit në Ballkan që kemi shpall gjendje emergjente lidhur me krizën e energjisë. Pse nuk i keni marr masat e vlerës në shtator e tetor por vetëm kur janë rrit çmimet enorme”, pyeti ai.
Sipas tij, është e pakuptimtë që kjo seancë të shtyhet dhe se për këtë çështje duhet debatuar.
“Çka po fshehin. Është e pakuptimtë që të shtyhet seanca. Ne e patëm një takim me shefat e grupeve parlamentare dhe do t’i mbledhim nënshkrimet. Është detyrim i secilit prej nesh të ulemi te diskutojmë dhe debatojmë. Është e pakuptimtë dhe me të vërtetë nuk e di se çka janë ty dashtë me fsheh”, tha ai./teve1.info/
