Nga Dega e Vushtrrisë së Gjykatës Themelore të Mitrovicës, E.B po del me pranga në duar.
Pas tij, me duar të lidhura është edhe 42 vjeçarja H.XH.
Ata po akuzohen që e ndihmuan Faton Hajrizin pasi u arratis nga burgu i Smrekonicës të shtunën e 6 korrikut.
Për dyshimin e veprës “Dhënia e ndihmës kryesve pas kryerjes së veprave penale” Gjykata Themelore e Mitrovicës ia ka caktuar 30 ditë paraburgim 44 vjeçarjes dhe 25 vjeçarit.
Sipas aktvendimit ka siguruar televizioni, H.Xh dyshohet se me automjetin e saj ka shkuar për të marrë Faton Hajrizin pasi ai është arratisur nga Burgu i Smrekonicës.
Ishte vetë Fatoni ai që e telefoni atë, sipas dokumentit.
Mirëpo e njëjta, sipas asaj që ka thënë avokatja e të dyshuarës, Vahide Badivuku nuk e ka ditur që ai është arratisur duke marrë parasysh se kjo qendër është e tipit të hapur.
Tutje në aktvendim thuhet që H.Xh ka pohuar se e njeh që dy vite Fatonin dhe me të ka pasur lidhje të afërta.
Por, avokatja e saj, Vahide Badivuku nuk ka pranuar të jep detaje të tjera përveç që ka thënë se e kundërshtojnë këtë vendim.
E 25 vjeçari, dyshohet se e ndihmoi të arratisurin Faton Hajrizi me numër të telefonit.
Sipas këtij dokumenti, E.B ka blerë një numër telefoni më 6 korrik 2024 dhe ia ka dorëzuar Faton Hajrizit.
Mirëpo për këtë thotë se nuk ka prova të mjaftueshme mbrojtja e tij.
Avokati Lutfi Tahiri tregon se e kanë kundërshtuar një masë të tillë.
Faton Hajrizi u arratis më 6 korrik nga Burgu i Smrekonicës në Vushtrri
