“Në 30 vite nuk ka pasur një vendim si ky, për rritjen e pagës së ushtarakëve së Forcave të Armatosura. Të gjithë ushtarakët, nga ushtari i parë deri te gradat më të larta, nga data 1 korrik do të kenë një pagë 30% më të lartë. Paga minimale në FA më shumë se 51 mijë lekë të reja, shtohen trajtimet ushqimore apo trajtime të tjera sipas vështirësive. Kemi miratuar një listë me 38 pozicione brenda Forcave të Armatosura, që marrin shtesë mbi këtë shtesë page”, tha Peleshi pas mbledhjes së qeverisë.
Shtesën më të lartë e merr struktura ushtarake e mbrojtjes kibernetike. “Përveç shtesës prej 20%, do të marrë dhe 20.000 lekë, për shkak të rëndësisë që ky domain i ri ka marrë sot në Shqipëri dhe në të gjithë botën”, shpjegon ministri./Top Channel
